FM Bolu Atu Hakotu Esteitmentu Provokativu

FM Bolu Atu Hakotu Esteitmentu Provokativu post thumbnail image

Edefisiu Foun Kuartel Jeral F-FDTL no Sekretariu Estadu Defeza (SED)

Fundasaun Mahein, 09 Abril 2012

Komunikadu Imprenza

FM Bolu Atu Hakotu Esteitmentu Provokativu

Iha fulan Febreiru tinan ida ne’e , FM kondena maka’as PNTL nai Komandu Jeral, Longuinhos Monteiro, nian ordem atu tiru iha fatin ema ne’ebe mak hakarak estraga eleisaun geral wainhira STAE hetan ataka ho bomba Molotov husi ema deskuinesidu. Iha tempu ne’eba FM kondena katak ordem Komandante Jeral nian ordem ne’e hatudu katak PNTL laos Polisia Komunitaria no ida ne’e hatudu katak PNTL, hanesan baibain, nunka antisipa situasaun siguransa maibe so hatene halo reasaun boot deit wainhira krimi akontese tiha ona. (Komandu PNTL haforsa numeru violensia) 23 Febreru: http://www.fundasaunmahein.org/2012/02/23/komandu-pntl-haforsa-numeru-violensia/).

Iha semana kotuk liu ba media, DN Independente iha dia 4 Marsu, sita steitmentu komandante F-FDTL Major Jeneral Lere Anan Timur, katak ema ne’ebe mak halo atus violensia durante eleisaun sei tiru mate durante eleisaun jeral, dala ida tan FM deskontenti los ba esteitmentu ida ne’ebe haforsa violensia, tensaun, trauma no hatauk ba populasaun. Esteitmentu ida ne’e mos hanesan bareira ida atu taka fali prosesu demokratiku ne’ebe mak populasaun atu hala’o hodi hili ita nian ulun boot estadu nian.

Ho oportunidade ida ne’e FM hakarak fo’o hanoin ba kommandante institusaun rua ne’e nian katak direitu povu nian hakerek nanis tiha ona iha ita nian lei no ita nian Lei Inan. PNTL no F-FDTL nian Kna’ar mak tenki defende lei no proteze i serve komunidade. Ita nian sistema justisa iha ona, ne’e duni ita nian forsas siguransas sira labele tau lei iha sira nian liman ho sistema ida tiru uluk depois mak husu ikus.

FM husu ba institusaun siguransa sira nian atu halo aprosimasaun ho povu duke uza liafuan retorikal ne’ebe ho violensia. Tradisaun Timor-Leste nian hanesan sorumutu Nahe Biti Boot hanesan modelu ida hodi ba F-FDTL ho PNTL halo aprosimasaun ba komunidade . kna’ar forsas rua nain maka tenki mantein ordem no siguransa ne’ebe difini ona iha lei. Dala ida tan FM husu para forsas rua ne’e halo atividade ida ne’ebe integradu iha sira nia operasaun durante periode eleisaun.

FM mos rekomenda ba komadante PNTL no F-FDTL atu halo deit estetmentu hirak ne’ebe mak hatudu intensaun ida ne’ebe mak rezolve problema. Sira bele uza sira nian pozisaun hodi apela ba politika nain sira katak politika nain sira tenki hado’ok sira nian militatantes husi konfrontasaun hodi kria paz iha prosesu demokratiku ida ne’e. Timor-Leste nasaun ida ne’ebe mak ki’ik maibe kuinesidu iha mundu tomak tanba ne’e FM husu nafatin nasaun ki’ik ida ne’e hatudu nian ezemplu diak ida ba nasaun pos-konflitus sira seluk iha mundu ida ne’e.

Atu hatene klean liu konaba asuntu ne’e bele kontaktu
Nélson Belo,
Diretor Fundasaun Mahein
www.fundasaunmahein.org
Email: nelson@fundasaunmahein.org ,
Tlp +670 737 4222

Fundasaun Mahein’s, 09 April 2012

Press Release

FM Calls for an End to Inflammatory Rhetoric

In late February of this year, Fundasaun Mahein (FM) condemned PNTL General Commander, Longuinhos Monteiro’s order to his officers to shoot on sight anyone trying to derail the general elections following the actions of unknown persons who threw Molotov Cocktail bombs at the offices of the Secretariat For Technical Electoral Support (STAE). We argued that this was another demonstration that the PNTL was not a ‘community-oriented’ police force and that the PNTL had once again proven to be a typical reactionary force, always reacting with excessive force after a crime has been committed. (PNTL commander accentuates the rise of violence, 23rd of February: http://www.fundasaunmahein.org/2012/02/23/komandu-pntl-haforsa-numeru-violensia/)

Last week, local media (DN Independente 04rd of March quoted the Timorese Defense Force (F-FDTL) Commander, Major General Lere Anan Timur giving out a similar statement, threatening to shoot dead anyone who will commit acts of violence during the general election period. Once again FM laments the very violent tone of this comment, which serves only to accentuate tensions and increase trauma and fear among the general population. This also serves as a barrier to ordinary citizens to actively participate in the democratic process of choosing our country’s next head of state.

FM would like to remind the commanders of both security forces of the rights of citizens as enshrined in the relevant laws and Constitution of the RDTL. The role of the F-FDTL & PNTL is to protect and serve the community and to uphold the rule of law. We have a system of justice and our security forces cannot take the law into their own hands by applying the system of shoot first, ask later.

FM calls on both security forces to actively engage with communities instead of using such violent rhetoric. The traditional Timorese form of dialogue Nahe biti Boot could be used as a model for both the F-FDTL & PNTL when engaging with the community. Their role is to maintain order and security while upholding the rule of law and FM once again calls for greater integration of both force’s operations and activities during this election period.

FM also recommends that commanders of both the police and army instead make statements that are problem solving oriented. They could use their positions of influence to call attention to politicians to steer away their militants from confrontation so as to create a peaceful democratic process. Timor-Leste is a small nation but nonetheless well known internationally and FM hopes our country can set an example to other post-conflict countries.

For further information on this report please contact
Nelson Belo,
Director of FundasaunMahein
www.fundasaunmahein.org
Email: nelson@fundasaunmahein.org ,
Tlp +670 737 4222

2 thoughts on “FM Bolu Atu Hakotu Esteitmentu Provokativu”

  1. Iha Timor-Leste to’o ohin loron no fulan abril ida ne’e, seidauk iha situasaun ida ne’ebe grave atu iha involvimentu uja kilat direitamente husi aparatus estadu liu-liu kamfladu sira tamba uja kilat tiru mate ema sivil ne’e ultima rikursu atu hakalma situasaun maibe to’o agora seidauk merese duni atu dehan liafuan sira ne’ebe atu hatauk povu ho liafuan tiru mate. serake laiha meus persuasiva ona atu konvense karik ema individu ka grupu ne’ebe involve asaun krimi eleitoral kontra leis no regulamentu sira antaun iha dalan legais atu prosesu ho kondenasaun prosesu kodiku penal maibe laos asaun fisika kontra hahalok sidadaun sivil Timor-Leste ho kilat tamba iha istoria iha nasaun barak no iha Timor-Leste kilat kuandu tarutu ona nunka kria paz no harmonia iha komunidade maibe kilat sempre hamosu tauk, trauma povu iha komunidade niania le’et….

  2. Komunikadu Impreza ne’ebe kapaz no furak tebes. Presiza duni atu tau nafatin ba instituisaun sira ne’ebe mak kaer papel hanesan lutu nasaun nian no serbidor seguransa ba povu Timor Leste tomak. Instituisaun rua refere (PNTL no F-FDTL), presiza duni atu asegura seguransa nasional ho liafuan hako’ak ema hotu no evita uza liafuan ne’ebe mak bele prejudika tauk hosi povu. Ita presiza duni atu instituisaun sira ne’ebe integra serbisu atu asegura seguransa nasional ho valor kultura Nahe Biti Bo’ot hodi nune’e hamoris no haforsa valor kultura edukativu no preventivu ne’ebe mak ita nia bei-ala sira husik hela mai ita.

Leave a Reply

Your email address will not be published.

Related Post